لعلام........
لعلام........
فاتوا شحال من مواقف.....................جاو جيال وراحوا جيال
طاحوا بلدان وربي يلطف ...........وحصرا شحال طاحوا جيال
وهو باقي دايما واقف............. هو هو ما حال ما زال
مازال ديما فالسما يرفرف.............يمات و ليلي طوال
في كل دار في كل سقف.................في كل قلب قي كل بال
مزال لما قدامو توقف................ما تتلفت يمين لا شمال
تتخشع وقلبك يرجف............وقفة تقدير و اجلال
لعلام حاجة ماتتنخلف........ولا حتى تتباع بالمال
ما تتبدل ما تتسلف ...................أو لجيال يوصلوها للجيال
العالم كامل بيه استعرف.............وعادوا يضربوا بيه لمثال
لما وقف في ساحة الشرف............وصمد قدام الاحتلال
والعالم كامل راهو عارف................شحال طاحوا نسا ورجال
مليون و خمس ميات الاف..............كانوا ثمن الاسبقلال
الجزايري من بكري حالف.................قسما بالله أو قال
غير علامنا يبقى يرفرف...............حتى نهار يريبوا لجبال
التاريخ مايتحرف.................والتراب ما ينتباع بالمال
والنشيد مايتعاودش يتألف..........و الدين هو راس المال
وعلامنا يبقى كيما تنوصف..........باهي في غاية الجمال
خضر وبيض ومزخرف............فالوسط نجمة وهلال
ملونين بلوّن الشرّف ........... بدم الشهداء لبطال
باش لي يقرّب لينا يعرف..........واش يسواو النسا و الرجال
والي حرقو بربي نحلف..........لو كان شاف قدامو خيال
Raouand- << مشرف عــــــــام >>
- عدد المساهمات : 2429
تاريخ التسجيل : 16/09/2009
العمر : 32
الموقع : osbrazil.alafdal.net
رد: لعلام........
Raouand- << مشرف عــــــــام >>
- عدد المساهمات : 2429
تاريخ التسجيل : 16/09/2009
العمر : 32
الموقع : osbrazil.alafdal.net