ثانوية 545 شهيد غيلاســــة
السلام عليكم ورحمة الله تعالى وبراكاته

زائرنا الكريم . احصائياتنا تفيد بانك غير مسجل عندنا

فنحن نتشرف بدوتك الى التسجيل والمساهمة في بناء هاذا المنتدى المتواضع

او اذا كنت قد سجلت من قبل يمكنك تسجيل الدخول والمشاركتنا بمواضيعك المفيدة . ان شاء الله

وشكراا

هذي غزة ارض العزة

استعرض الموضوع السابق استعرض الموضوع التالي اذهب الى الأسفل

هذي غزة ارض العزة

مُساهمة من طرف نور الجنة في السبت أبريل 17, 2010 3:08 am

غزة
هذي غزة ارض العزة
فيها الشجر وفيها الحجر عاش بعزة
فيها الشب وفيها العاجز مات بعزة
فيها البنت وفيها الطفل بات برعبة


هذي غزة .........كانت غزة تنام بسلام ...
صارت غزة في الاحلام...
راح الشجر ... وراح الحجر ... راح الشب وراح العاجز
ماتت غزة ....


هذي غزةغزة تقاوم .... لا ماتساوم ....احنا نكابر والله ياغزة....
مين يقاوم ...كيف نقاوم ... وين نقاوم ..
زنانة بتكشف ..
عملا بتعرف ...
اباتشي واف16 بتقصف ..
دبابة وجرافة بتجرف ...
ودم اطفال غزة بينزف ...


هذي غزة...راحت دور ...
بنت قبور ...
وكل ارضك صارت بور ..والله ياغزة
كل العالم شاف غزة ...
كل العالم ناصر غزة ...
كل العالم صاح وقال ...سقطت غزة ..
احنا في غزة لا ما سقطنا ......
احنا في غزة والله صبرنا ........
احنا في غزة جعنا وقلنا .....
بنموت وبتحيي يا غزة ....
بنموت وبتحيي يا غزة


هذي غزة ....فيها البيت راح ادمر ...
فيها الام قلبها اتحسر ....
فيها الطفل صاح وكبر ...
الله يحميكي ياغزة ....




هذي غزة .....صاحت نادت وين الامة تصون العزة ....
قامت أمة ...
نامت أمة ....
وسابت أطفالك يا غزة .. تعيش بظلمة ...


هذي غزة ...كل شي بغزة فيها راح ....
وصارت مدينة أشباح ...
ما بتسمع غير صوت سلاح ...
سلاح بيضوي ...
اسعاف بيدوي ....
والشهداء فوق الالاف ......


هذي غزة ....كل حاكم فيها تاجر ....
حتى الطير هج وهاجر .....
سابوا غزة هربو وشردوا...
والجيش ارتكب المجازر ...


هذي غزة ....صار الموت فيها عادي .....
اسطورة للعدو النازي ......
اقصف .. اقتل .... دمر ..... خرب ....
واشفي صدور هاالاعادي ....


هذي غزة ..........قطعوا الكهرب وقطعو المي .......
وسابو الشهدا بكل حي ........
فيها الطفل عاش اتشرد .....
بدون مأوى وبدون بي ........


هذي غزة .....كنا بغزة بنبني احلام ....
نحلم لنعيش بسلام ....
فجأة صحينا ...
قمنا اجرينا ....
لقينا غزة في الاوهام .....






هذي غزة .........كل شي بغزة فيها اتقلص ......
حتى العمر نفذ وخلص ....
هدموا قصورك .....
دكوا حصونك .....
والمتخبي بجحروا ظل .....


هذي غزة .........يمكن بكرة يصير حل .....
والمتخبي بيظهر ويطل ....
بيحمل راية ...
بيروي رواية ....
والشعب بيهتف للكل ....


هذي غزة.........احنا بغزة بين الموت ......
ما بنعرف نطلع ونفوت ......
يمكن نطلع ...
ومش حنرجع .....
وبيستنانا شبح الموت ..........



هذي غزة ..........فيها الطفل كبر بليله .....
والشب شاب بليله .....
واليتيم بدون عيلة ....
تحميه من هالبرد .........


هذي غزة .....كل العالم طلع أتظاهر ....
مافي واحد منهم كابر .....
رفعوا علمنا .....
حملوا رايتنا ....
بشعار الله عالظالم ......


هذي غزة .......كل العرب حلف أتوعد.....
وأكثر شي هدد وندد.....
وما في واحد منهم صعد ....
لانو العربي ما بيتوحد.....




هذي غزة ..........صغير غزة صار كبير ....
والكبير متخبي في بير ....
وماظل فيها والله أمير ......
ولاواحد بيستجري يبين .......



هذي غزة .........ما بيختلف نهار وليل .....
كلنا في غزة ذقنا الويل ......
والظالم ياويله ويل .....
من الله رب الكل ......


هذي غزة ......أحنا بغزة برقبة مين .؟؟؟؟
شو بيستنوا صلاح الدين ؟؟؟؟
ولا حجارة من سجين ؟؟؟؟
تنزل على راس المحتل ....


هذي غزة ...كبار غزة هجوا ورحلوا ....
اكلوا وشربوا ونهبوا وسرقوا ....
والي ظلوا بنفق اتخبوا ....
وبنستنى منهم يحكواااا؟؟؟؟؟؟


هذي غزة.....لكبار احنا اعرفناهم .....
والي برة الله يمحاهم ....
دمروا غزة ...
وباعوا ترابا ...
وسابوا اهلها تعيش بغابه ....
وتقولوا الله يحماهم ..؟؟؟؟


هذي غزة ....كل شي بغزة صار مسيس ....
بدك تحيا روح تحيز ....
مابدنا فتح ولا حماس ....
ولا بدنا جبهه ولا جهاد ...
والله زهقنا ....
والله قرفنا ....
والله بدنا نعيش يا ناس ....



هذي غزة ......صارت غزة سوق سودة ...
بدك شغلة بتبعت سوقة ....
حتى العيشة صارت سودة ....
بأسوارك والله ياغزة ....


هذي غزة .....شافت غزة أعنف حرب ....
على كرسي والله مالو جنب ...
راحو فيها ناس كثيرة ....
والله ما الهم ولاذنب ....


هذي غزة ....يلا اتحدوا شدو الهمه ....
على الله تزول هالغمة ....
وترجع بيناتنا اللحمة ....
ونحيا بوطن مالو هم ....


هذي غزة .....والله يا عالم احنا غلابه .....
ما بدنا نعيش بهالغابه .....
ولا بدنا أسود ولا ذيابه ....
تنهش فينا من كل جنب .....


هذي غزة ....أحنا بغزة بدنا سنين ....
لتشفى جراح الغاليين ....
الي استشهد ....
والي اتقطع .....
والي بيقضي عمروا أنين ......


هذي غزة ....احنا بغزة بكل حارة ....
بتيجي علينا كل يوم غارة ...
والعالم بلبس نظارة .....
وما في عندو غير يا خسارة ......


هذي غزة .........يرحم روحك يا ختيار .....
ما بتقبل ذل ولا عار .....
بصمودك كبروا الثوار .....
يا غالي يا أبو عمار .......



هذي غزة .....اخر كلمة بدي اقولها ....
والعالم كلوا لازم يقولها ......
يرحم شهدائك ياغزة ....
يشفي جرحاكي ياغزة .....
يحرر أسراكي يا غزة .....
الله ...
الله...
الله يحميكي يا غزة .........

نور الجنة
عضو جديد

عدد المساهمات : 22
تاريخ التسجيل : 13/04/2010

الرجوع الى أعلى الصفحة اذهب الى الأسفل

رد: هذي غزة ارض العزة

مُساهمة من طرف نور الجنة في السبت أبريل 17, 2010 3:10 am

ياااااااااااااااااااااااااااارب انصر المسلمين و حميهم
اللهم امين
غزة العزة لبييييييييييييييييييييييك يا غزة
اتمنى من يدخل يترك الرد
و جزاكم الله الجنة

نور الجنة
عضو جديد

عدد المساهمات : 22
تاريخ التسجيل : 13/04/2010

الرجوع الى أعلى الصفحة اذهب الى الأسفل

رد: هذي غزة ارض العزة

مُساهمة من طرف sara في السبت أبريل 17, 2010 7:01 am

يا سلااااااااام عليك تميزت من اول يوم

ربي يحفظك غاليتي
avatar
sara
<< مشرف عــــــــام >>
>

عدد المساهمات : 1573
تاريخ التسجيل : 20/09/2009

الرجوع الى أعلى الصفحة اذهب الى الأسفل

رد: هذي غزة ارض العزة

مُساهمة من طرف Raouand في السبت أبريل 17, 2010 9:17 am

بارك الله فيك والله انت رائعة واصلي تألقك تقبلي مروري






موفق بإذن الله ... لك مني أجمل تحية .
avatar
Raouand
<< مشرف عــــــــام >>
>

عدد المساهمات : 2429
تاريخ التسجيل : 16/09/2009
العمر : 25
الموقع : osbrazil.alafdal.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى